Fótbóltssamband Føroya hevur í dag gjørt avtalu við fyrrverandi írska landsliðsvenjaran, Brian Kerr, um at vera føroyskur landsliðsvenjari.
Á tíðindafundi í morgun greiddi 56 ára gamli Brian Kerr frá at hann gleddi seg nógv til at standa á odda fyri føroyska landsliðnum. Fyrstu tíðina vil hann kortini brúka til at seta seg betur inn í føroyskan fótbólt, hyggja eftir dystum á filmi og hyggja at føroyskum dystum og venjingum.
- Eg var í føroyum sum írskur landsliðsvenjari í 2005, og tá fekk eg kensluna av hvussu høgt føroyingar ganga upp í fótbólt. Eg síggi tað sum ein spennandi avbjóðing at standa á odda fyri føroyska liðnum, og mín vón at vit framhaldandi kunnu fáa góð úrslit, hóast tað er ein sera trupul bólkur, sum Føroyar eru endaðar í í hesi HM-undankappingini.
in English
)
